YOUR EYE WILL NEVER LIE, KEEP IT OPEN TO SEE THE TRUTH...

Friday, June 01, 2007

Selamat Ari Gawai

Tu munyi leka sampi ari Gawai ka bisi dikirum bala ngagai aku..

Ho…………. Ha… Satu; Ho………….. Ha…. Dua; Ho………………. Ha…. Tiga:
Enda aku busung ngelangkah Gunung,
Enda aku lesi nyengai hari,
Enda aku parai nyengai lemai.
Laban, pala enggi aku udah disungga enggau ai baptisa maia betetap di moa Gereja,
Tubuh enggi aku udah dibasu-diterutu enggau ai kudus disampi ka Padri seduai Father,
Jari kanan enggi aku ngenggam bup penyusun pengidup nyimpan macham leman pekara Dunya.
Laban aku deka ngangau deka mesau,
Deka madah, deka nelah,
Aki kitai Adam seduai Awa,
Nya orang terubah mensia ditempa, dipadu ka diau di Dunya.
Udah nya baru nganggau ke aki kitai, Isak , Ibraham enggau Musa,
Nganggau ke Raja David, Raja Solomon enggau Maya.
Udah nya baru aku nganggau ke Allah Taala, Raja Syurga,
Nganggau ke Jesus Kristus anak Joseph seduai Maria,
Nya orang ke tau bejako-betio, betemu enggau Petara,
Nya orang ke tau nyuman ke penyakit, nebus muai dosa,
Nya orang ke bepenemu manah nyerakup ka tubuh semoa budaya.

Awak ke sida tau ngota tau nyaga kitai ari kuasa Setan api Neraka,
Awak ke sida tau meri kitai penemu ke manah ngibun anak mensia,
Awak ke bansa kitai tau besai tau ngerekai di seluruh pelusuk dunya,
Awak ke bansa kitai seati, sepenemu enda oleh perintah dipechah mensia ke nadai guna,
Awak ke bansa kitai tau nguasa perintah ngemansang ka menoa,
Duduk berunding manah semija enggau semoa raban bangsa.
Ho…………. Ha… Ho………….. Ha…. Ho………………. Ha….
Sa,.. Dua,.. Tiga,… Empat,.. Lima,.. Enam,.. Tuuuu…juh.
Sapa ke nganggau, sapa ke mesau,
Nyawa tak taong 2x…..munyi Gong Senuyong anak Sultan,
Sada tak tala 2x… bedidit ke langit ngilah bulan,
Kanggau tak talau 2x… munyi guruh Guntur deka Hujan.
Nadai..ditanya… nadai dipeda,
Nadai ditelah,… nadai dipadah…
Tu aku anak Iban ke diau di Vietnam,
Minta tulong,… minta pandong…
Minta sah… minta tuah,….
Minta peda…. minta ditela…
Kita ..kaban belayan… ari menoa Sarawak…

1 comment:

  1. Hello I just entered before I have to leave to the airport, it's been very nice to meet you, if you want here is the site I told you about where I type some stuff and make good money (I work from home): here it is

    ReplyDelete