Kumang Dady (Iban Language)

(Tu gambar bala anak aku ka diberi aku nama "Kumang Dady)

Ari Kiba (Biru) - Jowyna Josten
Ari Kanan (Merah) - Jofanny Josten
Tengah - Jorelyn Josten

Kepan tauka perengka lama ukai semina pedis ka digiga, tang mega nyu udah enda entu dikibuh ka agi ulih bala rebak baru kemaya ari. Rata-rata bala raban embiak baru diatu enggai ngena kepan lama, enti bisi pan, semina ketegal ka enggau pekit kumang tauka maya nyambut bala pemesai, enda ibuh disebut enti ka ngiga iya ka landik begaga ka kepan lama.

Dalam sesebuah rumah panjai kemaya ari engka pedis amai ka ngiga siko orang rebak baru ka landik begaga ka utai ka bakatu. Orang lama ka endang sigi landik nyu mupuk nyau ninggal ka kitai siko-siko. Enti ari diatu kitai nadai atur dikena ngerembai ka baru pengawa ka bakatu tu, siti ari ila, generasi baru kitai engka enda ampit enggau kitai meda kereban asal kitai tu ketegal nadai agi orang ka nampung.
Arinya, aku ka mai kitai sama berunding bakani ka gaya kitai tau ngetan ka pengawa ka bakatu ngambi ka iya enda lenyau ngapa taja bala orang ka dulu udah ninggal ka kitai.

Ba aku, persatuan kitai Dayak ka bisi diatu, patut mupok berunding. Sida iya engka ulih nyadi palan kena nyerakup bala orang lama iya ka nemu serta landik ka agi bisi begulai enggau kitai ba sitak menua endur sida diau, lalu numbuh ka siti kelas endur sida ulih ngajar tauka nurun pengelandik sida iya ngagai raban embiak ka baru.
Kitai enda ulih semina nganti program ka diatur perintah aja, tang kitai empu sebagai bangsa Dayak ka endang sigi terbilang enggau creativity pengawa jari patut ngambi lebih initiative.

Taja pan kitai nyu udah ba zaman globalisasi seraya moden munyi ko orang ka diatu, pengawa ka bakatu enda patut di lengka tauka ditinggal ka kitai ngapa.
Engkanya udah bisi ga atur ka udah diadu ngambi ka pengawa ka bakatu semampai bejalai tang engkanya bedau datai ba tahap ka patut.

Pengerindu bala raban embiak patut dipupok, tambah mega, pengawa tu ukai semina ulih ngidup ka craft asal bangsa kitai tang ulih nyadi ka siti cara kena nambah ka penatai....