Ahhhhh

Ahhh…dehhh..lapa ga nyawa tu tak ngumba ka diri lembau ka makai. Lauk nyu nyamai-nyamai disumai ka bala tukang masak. Maya ka bakatu, ka amat ngenang maya ka pulai time off. Belauk ka sida paku ikan, daun jabang, kemiding. Anang agi enti maya ka benasib manah, bulih babi kampung, ikan sungai, akai..naka penyamai enti dipansuh tauka dikasam. Hish..nyu ngasuh liur neritik ngapa ga nyebut utai ka bakanya…ahh..enda alah ga nyu ngemuni kadiri.



Tang sigi amat…ka dini dunya ditujah, enda meh asai menua diri empu. Engkanya bakanya ga utai pemakai. Ka iya ngenyamai ni utai empa orang bukai, enda meh ulih ngalah pemakai asal diri empu. Nyamai, engka sigi nyamai tang enda ulih ngasuh nyawa kitai berentak.



Bejako pasal ikan sungai, nyu ngingat ka aku pengidup maya agi mit kelia, maya ka agi diau ba rumah panjai. Asal rajin nurun ke ai, sigi makai ikan. Aku endang siko ari orang ka sigi minat bemain sebelah ai, ngenan pukat, bubu, nyala serta nginti endang sigi pengawa aku. Sigi amat rindu laban ikan sigi agi tubah mayuh. Ikan ka diulih selalu iya ditusuk ngena kayu lalu ditunu ba atas api…akaiii..naka penyamai…asal bisi garam enggau cabik…Akaii..nyu ngasuh ati lelengau ka pulai……

Tang diatu, dunya nyu udah bebali, enti enda bebendar sigi tusah ka bulih ikan sungai. Ikan nyu majak kurang ketegal mensia nyu ngulih ka ikan ukai semina kelauk tang mega ka jual. Pengawa ka bejual tu ngujung ka mensia nyu enda ngira nama chara kena ngulih ka ikan, baka ngeracun, ngaran enggau macam-macam agi, asal aja bulih lalu nadai ngira dudi ari ila ikan tau punas.